|
Вёска,
цэнтр сельсавета. У XVII ст. вядома як маёнтак
Эйгердаўшчына ў Ашмянскім павеце Віленскага
ваяводства. У 1690 г. 2 дымы, уласнасць
В.Міхалоўскага. У 1735 г. маёнткі Эйгердаўшчына
належалі В.Міхалоўскаму (1,5 дыма), Я.Залескаму
(0,5 дыма), Я.Эйгерду (0,5 дыма), М.Эйгерду (0,5
дыма), М.Эйгерду (0,5 дыма) і інш. У XIX — пач.
XX ст. у Юрацішкаўскай воласці Ашмянскага павета
Віленскай губерні. У 1861 г. аколіца Эйгерды, 3
рэвізскія душы, аднадворцы, якія жылі на ўласных
землях; засценак Эйгерды, 14 рэвізскіх душ,
уласнасць Пятровіча. У 1897 г. 2 двары, 9
жыхароў. У 1905 г. у Вялікіх Эйгердах 151 жыхар,
270 дзесяцін зямлі, у Малых Эйгердах 26 жыхароў,
50 дзесяцін зямлі, у засценку Эйгерды на р.
Чарніца 9 жыхароў, 10 дзесяцін зямлі. У 1921 -
1939 гг. у Юрацішкаўскай гміне Валожынскага
павета Навагрудскага ваяводства Польшчы. У 1921
г. у Вялікіх Эйгердах 30 двароў, 175 жыхароў, у
Малых Эйгердах 5 двароў, 29 жыхароў. 3
12.10.1940 г. вёскі (Вялікія Эйгерды, 44 двары,
201 жыхар; Малыя Эйгерды, 8 двароў, 39 жыхароў)
у Такарышкаўскім сельсавеце
Юрацішкаўскага
раёна. Працавала пачатковая школа. 3 28.6.1941
г. да 8.7.1944 г. акупіравана нямецка-фашысцкімі
захопнікамі. У 1949 г. арганізаваны калгас
«Радзіма». 3 20.1.1960 г. у Іўеўскім раёне. У
1960-1963 гг. у Даўгердзішкаўскім, затым у
Юрацішкаўскім, з 19.1.1965 г. у Такарышкаўскім
сельсаветах. У 1970 г. 238 жыхароў. 3 15.7.1985
г. цэнтр сельсавета. Цяпер у складзе калгаса
«Прагрэс». Сярэдняя школа, клуб, бібліятэка,
дзіцячы сад, 2 магазіны. У 1999 г. 111 двароў,
312 жыхароў. Вёска знаходзіцца ў зоне
радыяцыйнага кантролю.
|
